Занятак у сярэдняй дашкольнай групе
Адукацыйная вобласць: “Элементарныя матэматычныя ўяўленні”
Тэма: “Падарожжа ў казку”
Праграмны змест:
- удасканальвацьуяўленні дзяцей аб геаметрычных фігурах (круг, авал, квадрат, трохвугольнік, прамавугольнік);
- замаць веды колькаснага і парадкавага лічэння ў межах 5;
- практыкаваць ва ўменні складаць геаметрычныя фігуры з лічыльных палачак;
- развіваць дробную маторыку рук, маўленне, назіральнасць, актыўнасць, уменне выказвацца і абгрунтоўваць свае меркаванні;
- выхоўваць інтарэс да занятку, імкненне аказваць дапамогу іншым, прывіваць добразычлівыя адносіны да казачных герояў.
Ход занятку
Выхавальнік: Дзеці, паглядзіце ўважліва на дошку. Што вы бачыце? Дзеці: Герояў з казак. Выхавальнік: Вы можаце назваць з якіх казак героі?
Дзеці: «Залаты ключык або прыгоды Бураціна», «Беласнежка», «Канёк-Гарбунёк», «Васіліса Прымудрая» і інш.
Выхавальнік: Дзеці, прапаную вам адправіцца ў казачнае падарожжа. А адправімся мы туды на чароўным «дыване – самалёце».
(Выхавальнік паказвае «дыван - самалёт»)
Выхавальнік: Ой, дзеці, яго прагрызлі мышы. Неабходна хутка адрамантаваць «дыван - самалёт». У мяне на падносе ляжаць геаметрычныя фігуры.
(Дзеці па чарзе накладваюць і вызначаюць «латкі», якія падыходзяць для рамонту дывана).
Выхавальнік: Якія вам спатрэбіліся «латкі» для рамонту дывана?
Дзеці: «Латкі» - формы круга, авала, трохвугольніка, прамавугольніка, квадрата.
Выхавальнік: Наш дыван гатовы да палёту. А цяпер, сябры, адпраўляемся ў падарожжа.
(Выхавальнік і дзеці стаюць адзін за адным і імітуюць дзеянні палёту).
Наш дыван ляціць , імчыцца,
Цяжкасцей мы не баімся.
У казачным свеце апынімся,
І герояў паклічам!
Выхавальнік: Вось мы і прыляцелі! Вакол нас усё казачна прыгожа! Цікава, у якой казцы мы з вамі апынуліся? Ой, а нас хтосьці сустракае.
(Выходзіць дзяўчынка – Аленка).
Дзяўчынка – Аленка: Прывітанне, дзеці! Адгадайце загадку і вы даведаецеся ў якой казцы апынуліся.
У Аленкі – сястрыцы,
Знеслі брата птушкі.
Высока яны ляцяць,
Далёка яны глядзяць.
Дзеці: Гусі – лебядзі.
Выхавальнік: Гусі – лебядзі героі з якой казкі?
Дзеці: З казкі «Гусі - лебядзі».
Выхавальнік: Аленка, а ты хочаш з дзецьмі пагуляць?
Дзяўчынка – Аленка: Я бы пагуляла, але здарылася бяда. Баба – Яга забрала майго брата Іванку, а я ніяк не магу знайсці дарогу да яе хаты.
Выхавальнік: Мы цябе ў бядзе не пакінем. Дзеці, дапаможам Аленцы?
Дзеці: Так, дапаможам.
Выхавальнік: Ну, тады ў дарогу! (Выхавальнік і дзеці дабіраюцца да яблыні).
Выхавальнік і дзеці: Яблыня, яблыня пакажы дарогу да хаты Бабы – Ягі?
Яблыня: Пакажу, калі вы дапаможаце падлічыць мае яблыкі. Колькі у мяне чырвоных і колькі зялёных яблыкаў?
Выхавальнік: Нашы дзеці гатовы табе дапамагчы.
Дзеці: 5 чырвоных, 4 зялёныя.
Выхавальнік: Якіх яблыкаў больш?
Дзеці: Чырвоных яблыкаў больш.
Выхавальнік: Якіх яблыкаў менш?
Дзеці: Зялёных яблыкаў менш.
(Яблыня дзякуе дзецям і дае яблык. «Куды яблык пакоціцца, туды неабходна ісці».)
Выхавальнік: Дзеці, яблык прывёў нас да ракі. Але іх дзве. Якія?
Дзеці: Адна – шырокая, другая – вузкая.
Выхавальнік: Каб перайсці раку нам неабходна пабудаваць мост, а з чаго можна пабудаваць мост?
Дзеці: З доскаў.
Выхавальнік: На беразе ляжыць будаўнічы матэрыял рознага памеру для пабудовы маста. Кожны вазьміце матэрыял патрэбнага памеру і пабудуйце мост.
(Пасля таго, як пабудова маста завершана, дзеці пераходзяць праз раку).
Фізкультхвілінка.
Па роўненькай дарожцы,
Ідуць нашы ножкі
Туп-туп-туп!
Па каменьчыках, па каменьчыках
Скок-скок-скок!
Ішлі мы ішлі,
Да печкі дайшлі!
Выхавальнік: Папросім печку паказаць дарогу да хаты Бабы – Ягі.
Печка: Я вам, дзеці, падкажу
І дарогу пакажу.
Пакуль вы не спяшайце,
Заданні выканайце.
Выхавальнік: Дзеці, давайце, пакажам печцы як мы ўмеем выконваць заданні.
(З вяровачак і лічыльных палачак неабходна скласці геаметрычныя фігуры).
Выхавальнік: Колькі палачак спатрэбілася для трохвугольніка, квадрата?
Ці можна скласці з палачак круг і авал?
(Дзеці падыходзяць да хаты Бабы – Ягі).
Баба – Яга: Хто такія? Чаго шуміце? Чаму спаць мне не даеце?
Выхавальнік: Хопіць спаць, Баба – Яга. Аддавай нам Іванку.
Баба – Яга: Спачатку адгадайце мае загадкі.
- Няма вуглоў ў яго
Падобны на талерку і на крышку. (Круг)
- Ён даўно знаёмы нам,
Кожны вугал у ім – прамы.
Усе чатыры стараны
Аднолькавай даўжыні.
З вамі сябраваць ён рад,
А завуць яго… (квадрат).
- Тры вуглы, тры стараны
Могуць рознай быць даўжыні. (Трохвугольнік)
- Хлопчык круг рукамі прымяў,
Ператварыўся круг у… (авал)
- У мяне вуглы прамыя,
Як і ў квадрата,
Але, даўжыня ў двух старон
Розная рабяты.
Ведае мяне кожны дашкольнік,
А завуць…(Прамавугольнік)
(Дзеці адгадваюць загадкі).
Баба – Яга: Ой, якія вы разумныя. Усе загадкі адгадалі. Добра, вярну я вам Іванку.
Выхавальнік: Дзеці, нам пара вяртацца ў дзіцячы сад.
Ці спадабалася вам падарожжа?
Што спадабалася больш за ўсё?
Каму мы дапамаглі?
Калі вы былі актыўныя, вам усё было зразумела, заданні не выклікалі ў вас цяжкасцей, то вазьміце вясёлую геаметрычную фігуру . Калі вам было штосьці незразумела, калі заданні выклікалі цяжкасці – вазьміце сумную геаметрычную фігуру .
